{| class="toccolours" style="float: right; margin: 0 0 .5em .5em; width: 25em; font-size: 90%;" cellspacing="5"
|-
| colspan="2" bgcolor="{{{colorcode}}}" |
|-
! colspan="2" style="text-align: center; font-size: larger;" | '''Aotearoa Tuatahi'''
|-
| colspan="2" bgcolor="{{{colorcode}}}" |
|-
| colspan="2" style="padding: 1em 0; text-align: center;" | [[File:NewZealandFirstPartyLogo.png]]
|-
| colspan="2" bgcolor="{{{colorcode}}}" |
|- style="vertical-align: top; text-align: left;"
| '''Kaihautū'''
| Winitana Pita
|- style="vertical-align: top; text-align: left;"
| '''Whakaūranga'''
| 1993
|- style="vertical-align: top; text-align: left;"
|'''Tari matua'''
| Te Whanga-nui-a-Tara
|-
| colspan="2" bgcolor="{{{colorcode}}}" |
|- style="vertical-align: top; text-align: left;"
|'''Paetukutuku'''
| [http://www.nzfirst.org.nz Aotearoa Tuatahi]
|}


Ko '''Aotearoa Tuatahi''' he rōpū tōrangapū no [[Aotearoa]]. Ka mōhiotia whānuitia āna mahi whakahē i ngā ture manene, i te [[Tiriti o Waitangi]] hoki. Nā [[Winitana Pita]] te rōpū i whakaū i te 1993, ko ia tonu te kaihautū o nāianei. E ai ki ētahi, ki te kore a Winitana, ka ngaro haere a Aotearoa Tuatahi.

== Kaupapa ==
I te pōtitanga o 2002, e toru ngā kaupapa matua o Aotearoa Tuatahi:
# he whakaheke i ngā manene e tae mai ana, mēnā ehara aua manene nō Ūropi
# he ārai i te taihara, he whakaroa i ngā whiu
# he whakaheke i ngā moni e utua ai mō ngā mahi e pā ana ki te Tiriti o Waitangi. 

== Tīmatanga ==
Ka puta a Aotearoa Tuatahi hei rōpū tōrangapū i te 1993, i mua i te pōtitanga o taua tau. Ko Winitana Pita te mema Pāremata mō Tauranga, ā, he minita mō ngā Māori o mua/ I whakarerea a ia te rōpū Nahinara, he tautohetohe nōna ki ngā kaihautū o Nahinara. Ka wikitoria a Winitana i te pōtitanga, ka mau ki tana turu mō Tauranga.

I taua pōtitanga tonu, ka wikitoria a [[Tau Henare]] i te turu mō Te Tai-tokerau, te tuarua o ngā turu o Aotearoa Tuatahi. Nō te pōtitanga o 1996, ka whiwhi a Aotearoa i te 13% o ngā pōti, ā, kia 17 ō rātou turu. E rima ngā mema Māori o Aotearoa Tuatahi — Henare (te kaihautū tuarua o te rōpū), rātou ko [[Tukuroirangi Morgan]], ko [[Rana Waitai]], ko [[Tu Wyllie]] ko [[Tuariki John Delamere]] — arā ngā "Tight Five". 

I te pōtitanga o 2005, ka āhua hinga a Aotearoa Tuatahi. Ka whiwhi rātou i te 5.72% o ngā pōti, kia toru noa iho ngā turu. Ka hinga hoki a Winitana i Tauranga, ka wikitoria a Bob Clarkson o Nahinara kē. Ka haere kē a Winitana ki te Pāremata hei mema o te rārangi. Nō te 2005, ko ēnei ngā mema Pāremata o Aotearoa Tuatahi:
# Winitana Pita
# Peter Brown
# Brian Donnelly
# Ron Mark
# Doug Woolerton 
# Barbara Stewart 
# Pita Paraone 

Nā Aotearoa Tuatahi rāua ko Reipa i whakatauria tētahi kirimana whakahaere kāwanatanga, me te aha, ka tū a Winitana hei Minita mō te Manatū Aorere.

== Ngā tari i mau ai ==
* Kaihautū i te Pāremata: 
** Winitana Pita, 1993 -
* Kaihautū tuarua i te Pāremata:
** Tau Henare, 1993 - 1998
** Peter Brown, 1998 -
* Kaihautū rōpū:
** Doug Woolerton, 1993 - 2005
** Dail Jones, 2005 -

== Hoto ki waho ==
* [http://www.nzfirst.org.nz Aotearoa Tuatahi] (reo Pākehā)

[[Category:Rōpū tōrangapū]]
[[Category:Tuhipānui pai]]

[[bg:Първо Нова Зеландия]]
[[de:New Zealand First]]
[[en:New Zealand First]]
[[es:Nueva Zelanda Primero]]
[[fr:New Zealand First]]
[[it:Nuova Zelanda per Prima]]
[[ja:ニュージーランド・ファースト党]]
[[ko:뉴질랜드 제일당]]
[[pl:Partia Najpierw Nowa Zelandia]]
[[zh:新西兰优先党]]