{{Infobox ture (Aotearoa) 
|short_title=Ture Reo Māori 1987 
|long_title= Mā tēnei ture e whakatū i te reo Māori hei reo mana-ā-ture mō te motu nei o Aotearoa, e whakatau ake i te whakaae kia kōrero Māori i te kōti ahakoa mema kōti rānei, e whakatū i Te Komihana Mo Te Reo Māori.
|introduced_by=
|date_passed=[[1987]]
|royal_assent= 
|commencement=taua wā tonu
|amendments= 1991 
|related_legislation=Ture Tiriti o Waitangi<br />Ture Reo Rotarota 
|status=Current
}}
Ko te '''Ture Reo Māori 1987''' te ture whakaū i [[Te Taura Whiri i te Reo Māori]]. Ka whakamanahia-ā-ture i te Here-turi-kōkā o 1987. E toru ōna kaupapa:

* Ka whakatū i te reo Māori hei reo mana-ā-ture mō te motu nei o Aotearoa.
* Kei ngā kōti, kei ngā Kōmihana uiui me ngā Taraipiunara, e whakatau ake ana tēnei ture i te whakaae kia kōrero Māori i te kōti ahakoa mema kōti rānei, ko wai ake rānei o te kōti, kaituku kōrero, kaiāwhina rānei.
* Ka whakatū rā hoki i [[Te Taura Whiri i te Reo Māori]]. Ko tā Te Taura Whiri he whakatairanga i te reo Māori me ngā kaupapa reo; he hikihiki taumata mō te tuhituhi me te kōrero i te reo, arā mā te ara rūmaki, mā te whakamātautau reo, mā te niureta ia toru marama e kīa nei He Muka, ā, me ngā kōrero tautoko mai anō hoki a te hunga mahi kāwanatanga; he whakamana-ā-ture i ngā whakamātautau o te hunga e whai nei i te mahi whakamāori-ā-tuhi, ā-waha rānei; he rangahau huarahi e whakatairangatia ai, e hāpai tonutia ai te ahu whakamua o te reo; te hanga papa kupu. Kia ono anō ngā hui o Te Taura Whiri i ia tau. He tumuākī tō te hunga mahi, ka mutu ko ngā mahi he rangahau, he ārahi ture, he whakahoki tirohanga i ngā mahi whakamāori, he whakatairanga, me ērā atu mahi e homai e ngā Kaiwhiri. Whakapā mai i konei ka whiti rānei ki te wāhi whakahoki kōrero hei tuku kōrero mai rā.

== Tirohia hoki ==
* [[Reo Māori]]
* [[Te Taura Whiri i te Reo Māori]]

== Hoto ki waho ==
* [http://www.tetaurawhiri.govt.nz/act87/index.shtml Te Ture Reo Māori 1987] (reo Pākehā)
* [http://www.legislation.govt.nz/browse_vw.asp?content-set=pal_statutes Ngā ture o Aotearoa] (reo Pākehā)

== Tohutoro ==
* C. Barlow, ''Tikanga Whakaaro''. Tāmaki-makau-rau, Oxford, 1991.
* M. Bartlett, 'Tūkaha Te Reo Māori!'. ''Salient'', 24 Hōngongoi 2006. URL:[http://www.salient.org.nz/features/tukaha-te-reo-maori/].

[[Category:Ture]]
[[Category:Reo Māori]]
{{Maramara}}

[[en:Maori Language Act 1987]]
[[hu:Maori nyelvtörvény]]