[[File:RichardSeddon1905.jpg|thumb|300px|right|Ko Te Hētana, Pirimia o Aotearoa 1892-1906]]Ko '''Te Hētana''' (Richard John Seddon, 1845-1906) he [[Pirimia o Aotearoa]] (1892-1906). Ka whānau mai ia i [[Ingarangi]]. Ka tae mai ia ki Aotearoa i te tau 1866. Ka haere ia ki ngā papa koura o [[Waimea]] kimi koura ai. Nō muri iho, he kaiwhakahaere hōtera ia ki Te Tai-poutini.

I te tau 1879 ka tū ia mō te rohe pōti o [[Hokitika]], ā, ka wikitoria, ka haere ki te [[Pāremata]]. Ahakoa he tangata rongonui mō te roa o ana kōrero, he matatau hoki ia ki te mahi tōrangapū. 

Nō te tau 1891, ka wikitoria te rōpū Rīpera, ka kuhu a Te Hētana ki te kāwanatanga. Nō te 1892 ka riro i a ia te tūranga o te Pirimia, tae rawa atu ki te tau 1906, kit e tau I mate ai ia. Ka riro anō i a ia te tūranga o Minita mō ngā Take Māori, mai i te 1893 tae atu ki te 1899. Nō te tau 1900, nā runga i ngā inoi a te rōpū [[Kotahitanga]], ka katia e Te Hētana te hook i ngā whenua Māori. Nā Te Hētana i whakatū ngā [[Kaunihera Māori]] me ngā [[Poari Whenua Māori]], me te aha, ka taea e te Māori te pupuri whenua me te whakapai i te hauora o te hapori. Ka riria te Kāwanatanga e ngā tāngata whaimoni, ā, i te tau 1905, ka whakarerekēngia ngā ture, ā, he nunui rawa ngā whenua ka ngaro.

== Tohutoro ==
* Ngā Tāngata Taumata Rau URL:[http://www.dnzb.govt.nz/dnzb/Maori_default.asp NZDB]



{{Kaihautū}}
{{Maramara}}

[[Category:Kaitōrangapū]]
[[Category:Tai-poutini]]
[[Category:Kaihautū whenua]]

[[de:Richard Seddon]]
[[en:Richard Seddon]]
[[es:Richard Seddon]]
[[fa:ریچارد سدون]]
[[fi:Richard Seddon]]
[[fr:Richard Seddon]]
[[pl:Richard Seddon]]
[[ru:Седдон, Ричард]]
[[simple:Richard Seddon]]
[[sv:Richard Seddon]]
[[zh:理查德·塞登]]