{{Motu Porinīhia
| name= Rangiātea
| map= [[File:Taputapu marae Raiatea little man.jpg|right|thumb|200px|Ko Taputapuātea te marae rongonui o Rangiātea]]
| country=[[Wīwī]] <br /> [[Porinīhia Wīwī]]
| archipelago=[[Kāhui o Tahiti]]
| region= [[Moana-nui-a-Kiwa]]
| area= 238
| coastline= -
| peakname= [[Tefatoaiti]]
| peakheight= 1,017
| population= 11,113
| date_population= 2002
| density= 47
}}
Ko '''Rangiātea''' (Ra{{okina}}iātea) tētahi moutere ki te [[Kāhui o Tahiti]], i kōrerorerotia niutia e ngā tūpuna i ngā kōrero o mua. Nō reira te whakataukī rongonui nei: ''E kore nei au e ngaro, he kakano i ruia mai i Rangiātea''. 

He moutere anō tēnei e 120km pea te tawhiti ki Tahiti ki te raki, ā, ki te reo o ngā Māohi nō Tahiti, ko Ra{{okina}}iātea tērā. 

Kau ana a Raiatea me te moutere o Tahaa i tetehi hapua i pokaitia e te pukawa. 

E 238 sq. km te rahi o te moutere nei, a he tapatoru ano te ahua ara kia 14 km ki tona putake a kua 20 km te teitei.
He puia ano te motu nei engari kua pau katoa te putoto.

Ko maunga Tefatoaiti te tihirangi o Rangiātea ne kua 1,017 mts te ikeike . Kei te raki o te moutere e tu ana a maunga Temehani, he mania o runga  792 mt te tiketike.  I mohio ketia tenei maunga mo tetehi puawai e tupu ana ki runga ki tenei maunga anake ko te Tiare Apetahi tera.
E ai kia ano te korere ko Temehani te Hononga Wairua

Ko nga awaawa, nga tawharua pai he mea kitekite ki Rangiatea nei, hei wahi nohoanga mo te iwi. E ono hoki nga whanganui, e roroha ana i nga puau o nga awa he mania tupu kai. Ko te awa nui o Raiatea ko Faaroa, ko tenei te awa anake te mea ka taea e te waka te uru ki roto 


== Ko Rangiātea Te Motutapu ==
Koirā he motu tapu rawa a Rangiātea ki ngā iwi o te [[Te Moana-nui-a-Kiwa]], ko tētehi ingoa tawhito nōna ko ''Havai'i fanau'ra fenua'', ara ko Hawaiki ki ta te Reo o Aotearoa nei. 

Tuturu te korero ko Rangiātea te rotopu o te Moananui a Kiwa e kia nei ko te tapatoru o Poronihia a ki tetehi korero ka whanau mai nga moutere pera ia Tahiti, Moorea, Maiao, Mehetia me Tetiaroa i konei ano te ika te ahua

Kei Rangiātea ano e tū ana te marae tapu a [[Taputapuatea]], te wahi whakaminemine ai ngā tohunga me ngā whakatere waka kia whakatau i te wānanga.

Kāre e kore i ahu mai ngā tūpuna o te iwi Māori i koneki, ā ki tā te kōrero o [[Te Arawa]] Waka ko [[Ohomairangi]] te kaitiaki o Taputapuatea, arā nō Rangiātea tērā.


{{Kāhui o Tahiti}}
{{Porinīhia Wīwī}}
{{Maramara}}

[[Category:Ra'iātea]]

[[ar:راياتيا]]
[[ca:Raiatea]]
[[da:Raiatea]]
[[de:Raiatea]]
[[en:Raiatea]]
[[es:Raiatea]]
[[et:Raiatea]]
[[fi:Raiatea]]
[[fr:Raiatea]]
[[gl:Illa Raiatea]]
[[it:Raiatea]]
[[lt:Raiatea]]
[[nl:Raiatea]]
[[pl:Raiatea]]
[[pt:Raiatea]]
[[ru:Раиатеа]]
[[sv:Raiatea]]
[[ty:Ra’iātea]]
[[zh:賴阿特阿島]]