[[Image:MeriMangakahia1890s.jpg|thumb|right|300px|Ko Meri Te Tai Mangakāhia]]Ko '''Meri Te Tai Mangakāhia''' (1868-1920) nō [[Te Rarawa]], nō Ngāti Te Rēinga, nō Ngāti Manawa me Te Kaitūtae. I whānau mai ia i te 22 o Mei 1868 i tētahi wāhi e tata ana ki [[Panguru]] i te moana o Te [[Hokianga]]. Ko tana tāne ko [[Hāmiora Mangakāhia]], he rangatira o Hauraki i tohungia  i 1892 hei Pirimia mō te [[Pāremata Māori]], arā mō te [[Kotahitanga]]. Nō te 18 o Mei i te tau 1893 i tū te hui a te Pāremata o te Kotahitanga i [[Heretaunga]]; ka puta te motini a Meri Te Tai kia whai wāhi ngā wāhine ki te pōtitanga. Ka tū a Meri ki te tautoko ki tana mōtini i roto i te Pāremata – ko ia tonu te wahine tuatahi i kōrero ki taua huinga.

Ka mea atu a Meri kia tukua ngā wāhine kia pōti, kia noho hei Mema o te Pāremata Māori. Ki tāna whakaaro, nō te mea ka taea e te wahine te noho hei rangatira i runga i ōna whenua, nā reira me āhei rātou ki te whakaputa kōrero. Kāhore i kawea tana motini. Ahakoa tērā, ka pūmau ia ki ngā tōrangapū Māori i tana mahi hei mema o te Komiti Wāhine o te Kotahitanga; he mema kaha ia ki ngā kaupapa e pā ana ki te oranga o te iwi. Nā tēnei komiti i whakapuare te ara mō te [[Rōpū Wāhine Toko i te Ora]].

Ka pāngia a Meri Te Tai Mangakāhia e te rewharewha, ā, ka hemo ia i te 10 o Oketopa 1920. E 52 ōna tau.

==Tohutoro==
* Ngā Tāngata Taumata Rau URL:[http://www.dnzb.govt.nz/dnzb/Maori_default.asp NZDB]

{{Kaihautū}}
{{Maramara}}
{{DEFAULTSORT:Meri Te Tai Mangakahia}}
[[Category:Kotahitanga]]
[[Category:Waha mautohe]]
[[Category:Tai-tokerau]]
[[Category:Kaitōrangapū]]

[[en:Meri Te Tai Mangakahia]]
[[gl:Meri Te Tai Mangakahia]]
[[id:Meri Te Tai Mangakāhia]]
[[pl:Meri Te Tai Mangakāhia]]
[[ru:Мангакахиа, Мери Те Таи]]