[[Image:Kereru001.jpg|thumb|right|220px|Ka whakaahuatia hoki a Māui ki tō te kererū āhuatanga]]Ko '''Māui''' te tupuna nāna te motu nei i hī ake i te moana, nō reira te ingoa i tapaia mō te motu nei, ko ''[[Te Ika-a-Māui]]''. I whānau ia ki te ākau o te moana nui, he mea whiu ia e tōna whaea e Taranga ki te hukahuka o te tai, he mea hikihiki e te ngaru takai atu takai mai, nā Te Apuhau ia i whakahoki ki uta. Nā tōna tupuna, nā Tamanui-ki-te-rangi ia i kawe ki te whare, i whakairi ki runga noi ai, kia ngaua ake e te auahi, e te mahana, nā reira ka ora ia.

[[Image:NgaManawa.jpg|right||thumb|220px|He tiki ahi tā Māui i haere ai ki a [[Mahuika]]]]Nā Māui i whakairi te rā, te marama, me ngā whetū ki te kikorangi, nāna anō hoki te rā i here kia āta haere ai, kia roa ai te mahinga a te tangata i ētahi oranga mōna. Ka taea e Maui te whakaahua i a ia ki te āhua o ngā manu katoa me te hoki mai ki tō te tangata āhua. Ka mate a Māui, he tinihanga nōna ki tōna tupuna, ki a [[Hine-nui-te-pō]] i mate ai.

==Tohutoro==
*G. Grey, ''Nga Mahi a Nga Tupuna'', te tuawhā o ngā putanga. (Reed: Te Whanga-nui-a-Tara), 1971.

[[Category:Kōrero tuku iho]]

{{Maramara}}

[[de:Māui]]
[[en:Māui (Māori mythology)]]
[[fr:Maui (mythologie)]]
[[ja:マウイ (ポリネシア神話)]]