8.4: Ձևաչափի առանձնահատկությունները

Վեբ էջերը, որոնք դուք տեսնում եք Գրինսթոունն օգտագործելիս, նախապես պահպանված չեն, այլ ստեղծվում են «թռիչքի ժամանակ», ըստ անհրաժեշտության: Ձևաչափի հրամաններն օգտագործվում են ստեղծված այս էջերի տեսքը փոխելու համար: Դրանք ազդում են այնպիսի բաների վրա, ինչպիսիք են, թե ինչ կոճակներ են հայտնվում երբ փաստաթուղթը ցուցադրվում է, և ինչ հղումներ են ցուցադրվում DateList դասակարգչի կողմից: Ձևաչափի հրամանները հեշտ չէ մշակել, և դուք պետք է կարդաք Գրինսթոունի մշակողների ուղեցույցի 2-րդ գլուխը: Այս բաժինը քննարկում է ձևաչափի կարգավորումները և ինչպես է գրադարանավարի միջերեսը դրանց հասանելիություն տալիս: «Ձևաչափ» ներդիրի տակ սեղմեք «Ձևաչափի առանձնահատկությունները»:

Դուք կարող եք ձևաչափ հրաման կիրառել «Ընտրեք հատկանիշ» բացվող ցանկի ցանկացածի համար, որը ներառում է դասակարգիչ և առանձնահատկությունների նախապես սահմանված ցանկ: Երբ ընտրում եք որևէ հատկանիշ, կա երկու տեսակի կառավարում: Որոշ գործառույթներ պարզապես միացված կամ անջատված են, և դա վերահսկվում է վանդակի միջոցով: Մյուսները պահանջում են նշել ձևաչափի տող: Դրանց համար կա բացվող ցուցակ («Ազդված բաղադրիչ»)՝ ընտրելու համար թե հատկանիշի որ մասի վրա է կիրառվում տողը (անհրաժեշտության դեպքում), տեքստային տարածք («HTML ձևաչափի տող»)՝ տողը մուտքագրելու համար, և նախապես սահմանված «Փոփոխականներ»-ի ընտրություն: Փոփոխականը ձևաաչփի տողի մեջ տեղադրելու համար տեղադրեք կուրսորը տեղադրման վայրում, ապա ընտրեք ցանկալի փոփոխականը "Insert Variable..." համակցված տուփից:

Դուք կարող եք նշել որոշակի բաղադրիչի լռելյայն ձևաչափը՝ ընտրելով «Բոլոր հատկությունները» գործառույթը: Այնուհետև այս ձևաչափը կիրառվում է բոլոր կիրառելի հատկանիշների վրա, եթե ավելի կոնկրետ սահմանված չէ:

Նոր ձևաչափի հրաման ավելացնելու համար ընտրեք կիրառելի հատկանիշը և բաղադրիչը: Այս հրամանի լռելյայն արժեքը կցուցադրվի մոխրագույնով: Սեղմեք "Add Format" այն հավաքածուին վերագրելու համար: «HTML ձևաչափի տողը» կդառնա խմբագրելի և ցանկության դեպքում կարող եք փոխել այն: Յուրաքանչյուր հատկանիշի/բաղադրիչի համակցությանը կարող է վերագրվել ձևաչափի միայն մեկ հրաման:

Ձևաչափի հրամանը հեռացնելու համար ընտրեք այն ցանկից և սեղմեք «Հեռացնել ձևաչափը»:

Փոփոխականների և առանձնահատկությունների բաղադրիչների մասին լրացուցիչ տեղեկությունների համար կարդացեք Greenstone Developer's Guide-ի Գլուխ 2-ը: